கனடாவின் டொரோண்டோ விமான நிலையத்தில் (Toronto Person Airport) சுமார் $15 மில்லியன் பெறுமதியான தங்கமும், வேறு சில பெறுமதியான பொருட்களும் திருடப்பட்டு உள்ளன.

கடந்த திங்கள் விமானம் ஒன்றில் வந்த பொருட்களே திருடப்பட்டு உள்ளன. இந்த செய்தியை போலீசார் இன்று வியாழன் அறிவித்து உள்ளனர். பொதியை எடுத்து வந்த விமான சேவையின் பெயர், எங்கிருந்து அந்த பொதி எடுத்துவரப்பட்டது என்ற விபரங்களை போலீசார் பகிரங்கம் செய்யவில்லை.

விமானத்தில் இருந்து முறைப்படி இறக்கப்பட்ட பொருட்கள் உரிய இடத்தில் வைக்கப்பட்டன. அந்த இடத்தில் இருந்தே அவை களவாடப்பட்டு உள்ளன.

இதுவரை சந்தேக நபர்கள் எவரும் அடையாளம் காணப்படவில்லை.

திருட்டு இடம்பெற்ற இடத்துக்கும் பயணிகள் இடத்துக்கும் தொடர்புகள் எதுவும் இல்லை என்றும் போலீசார் கூறுகின்றனர்.