தென் அமெரிக்க நாடான பெருவின் (Peru) முன்னாள் ஜனாதிபதி Alan Garcia தன்னை தானே துப்பாக்கியால் சுட்டு தற்கொலை செய்துள்ளார். ஊழல் தொடர்பாக இவரை கைது செய்ய அதிகாரிகள் இவரின் வீட்டுக்கு சென்றபோதே முன்னாள் ஜனாதிபதி தற்கொலை செய்துள்ளார்.

.

அதிகாரிகள் கைது செய்ய வந்ததை அறிந்த Alan Gracia ஒரு தொலைபேசி தொடர்பு எடுக்க விரும்புவதாக கூறி தனது வீட்டு அறை ஒன்றுள் சென்று, கதவை பூட்டிவிட்டு, துப்பாக்கியால் சுட்டு தற்கொலை செய்துள்ளார்.

.

1949 ஆம் ஆண்டு பிறந்த Alan Garcia 1985 முதல் 1990 வரையான காலத்திலும், பின் 2006 முதல் 2011 வரையான காலத்திலும் பெரு நாட்டின் ஜனாதிபதியாக பதவி வகித்தவர்.

.

இவர் Odebrecht என்ற பிரேசில் நாட்டு கட்டுமான நிறுவனத்திடம் இருந்து $30 மில்லியன் இலஞ்சம் பெற்றார் என்றே குற்றம் சாட்டப்பட்டுள்ளது. அந்த நிறுவனமும் தாம் இலஞ்சம் வழங்கியதாக கூறி உள்ளது.

.

பெருவின் முன்னாள் ஜனாதிபதி Alberto Fujimori ஏற்கனவே ஊழல் காரணமாக சிறை தண்டனை அனுபவித்து வருகிறார். மேலும் 4 முன்னாள் ஜனாதிபதிகள் விசாரணையில் உள்ளனர். தற்போதைய எதிர்க்கட்சி தலைவர் Keiko Fujimori (Alberto வின் மகள்) தற்போது $1.2 மில்லியன் ஊழல் குற்றச்சாட்டில் உள்ளார்.