அண்மை காலம் வரை பெருமளவு அணு குண்டு பரிசோதனைகளை செய்துவந்த வடகொரிய தலைவர் திடீரென அவ்வகை அணு பரிசோதனைகளை தாம் நிறுத்துவதாக கூறியிருந்தார். இந்த தீர்மானத்தை வடகொரியா சுயமாகவே எடுத்திருந்தது. உலகம் வடகொரியாவின் இந்த மன மாற்றைத்தை அறிந்து வியந்தும் இருந்தது.
.

ஆனால் தற்போது சீனாவில் இருந்து வெளிவரும் சில அறிக்கைகள் வடகொரியா அணு குண்டு பரிசோதனைகளை செய்யும் மலை பகுதி அண்மையில் வெடிக்கப்பட்ட மிக பெரிய குண்டுகளின் தாக்கம் காரணமாக உடைந்து வீழ்ந்துள்ளது என்கின்றன.
.

University of Science and Technology of China தனது அறிக்கையில் வடகொரியாவின் அணு குண்டு பரிசோதனை பகுதியான Punggye-ri மலை பகுதி பெருமளவில் உடைந்து வீழ்ந்துள்ளதாக கூறியுள்ளது.
.
இந்த பகுதியில் கடந்த செப்டம்பர் மாதம் 3ஆம் திகதி வெடிக்கப்பட்ட அணு குண்டு 6.3 அளவிலான நிலநடுக்கத்தை ஏற்படுத்தி இருந்தது. மேற்கு நாடுகளின் கணிப்பின்படி இங்கு வெடிக்கப்பட்ட குண்டு ஹிரோஷிமாவில் வெடிக்கப்பட்ட குண்டின் 17 மடங்கு வலுவை கொண்டிருந்ததாம்.
.