தற்போது உள்நாட்டு அரசியல் குழப்பத்துள் உள்ள மாலைதீவுக்கு இந்தியா தனது இராணுவத்தை அனுப்பினால், சீனாவும் உடனடியாக தலையிடும் என்று கூறியுள்ளது சீனாவின் அரச கட்டுப்பாட்டில் உள்ள Global Time என்ற பத்திரிகை.
.

சீனா மாலைதீவின் உள்நாட்டு அரசியலில் காரணம் இல்லாதவிடத்து தலையிடாது என்றும், ஆனால் ஐ.நா.வின் அனுமதி இன்றி இந்திய இராணுவம் தலையிட்டால், சீனா பதில் நடவடிக்கை எடுக்கும் என்றும் அந்த கட்டுரை கூறியுள்ளது.
.

தற்போது மாலைதீவின் ஆட்சியில் உள்ள ஜனாதிபதி Abdulla Yameen தலைமையிலான அரசுக்கு சீனா பெரும் உதவிகளை செய்து வருகிறது. இலங்கை போல் மாலைதீவும் சீனாவின் கடன்களையும், முதலீடுகளை பெற்று வருகிறது.
.

தற்போது மாலைதீவுக்கு பயணிக்கும் உல்லாச பயணிகளில் 20% பயணிகள் சீனர்கள் என்று கூறப்படுகிறது.

இலங்கைக்குள் IPKF நுழைய, இலங்கை தமிழ் அகதிகள் இந்தியா தப்பி ஓடியது வழிவகுத்தது. ஆனால் அவ்வாறு மாலைதீவு மக்கள் இந்தியா செல்லாவிடின், இந்தியா தகுந்த காரணம் எதையும் முன்வைக்க முடியாது. Veto வாக்கு கொண்ட சீனா, மாலைதீவு விடயத்தை ஐ.நாவிலும் முறியடிக்கலாம்.