சீனாவின் பாதுகாப்பு அமைச்சர் ஜெனரல் Chang Wanquan இலங்கைக்கு திடீர் பயணம் ஒன்றை மேற்கொண்டுள்ளார். இன்று ஞாயிரு புறப்பட்ட Wanquan நேபாளுக்கும் பயணம் செய்வார். சீன அமைச்சரின் பயணம் சம்பந்தமாக இருநாடுகளும் பெரிதாக செய்திகளை வெளியிடவில்லை.
.
தனது பயணத்தின்போது சீன பாதுகாப்பு அமைச்சர் இலங்கை அரசாங்க உயர் அதிகாரிகள், Defense Staff College அதிகாரிகள் ஆகியோருடன் பேச்சுவார்த்தைகள் நடாத்துவார். இவரின் பயண காரணம் உத்தியோகபூர்வமாக வெளியிடப்படாவிடினும், இலங்கை மீது இவர் அழுத்தங்கள் கொடுக்கலாம் என்று கருதப்படுகிறது.
.

இலங்கை 12 புதிய யுத்த விமானங்களை கொள்வனவு செய்ய விரும்பியுள்ள நிலையில், பாகிஸ்தான் தனது JF-17 வகை விமானங்களை கொள்வனவு செய்யும்படி கேட்டுள்ளது. இந்த JF-17 வகை விமானங்கள் சீன-பாகிஸ்தான் கூட்டு தயாரிப்பு ஆகும். ஆனால் இந்தியா தனது Tejas வகை யுத்த விமானங்களை கொள்வனவு செய்யும்படி இலங்கையை கேட்டுள்ளது. போட்டியாக சீனாவும் தனது யுத்த விமானங்களை முன்வைக்கலாம்.
.