மார்க் கார்னி (Mark Carney) கனடாவின் இடைக்கால பிரதமர் ஆகியுள்ளார். கனடிய பிரதமர் ரூடோ உட்கட்சி அழுத்தங்கள் காரணமாக பிரதமர் பதவியில் இருந்து ஒதுங்கிய பின் அவரின் லிபரல் கட்சி 9ம் திகதி ஞாயிறு மார்க் கார்னியை இடைக்கால பிரதமராக தெரிவு செய்துள்ளது.

கார்னிக்கு கட்சி உறுப்பினர்களின் 85.9% வாக்குகளும், ரூடோ விரட்டப்பட பிரதான காரணியாக இருந்த முன்னாள் நிதி அமைச்சர் Chrystia Freeland க்கு 8.0% வாக்குகளும், Karina Gould க்கு 3.2% வாக்குகளும், Frank Baylis க்கு 3.0% வாக்குகளும் கிடைத்துள்ளன.

2013ம் ஆண்டு ரூடோ 80% கட்சி ஆதரவை மட்டுமே பெற்று கட்சியின் தலைவர் ஆகி, பிரதமர் ஆகியிருந்தார். மார்க் கார்னி 85.9% ஆதரவை பெற்றுள்ளார்.

Goldman Sachs என்ற நிதி நிறுவனத்தில் பணியாற்றிய மார்க் கார்னி 2008ம் ஆண்டு முதல் 2013ம் ஆண்டு வரை Bank of Canada வின் ஆளுநராக கடமையாற்றியவர். பின் 2013ம் ஆண்டு முதல் 2020ம் ஆண்டு வரை Bank of England ஆளுநராக கடமையாற்றியவர்.

கனடாவின் அடுத்த பொது தேர்தல் இந்த ஆண்டு அக்டோபர் 20ம் திகதிக்கு முன்னர் இடம்பெறல் அவசியம்.

ரூடோ ஆட்சியில் நேற்றுவரை லிபெரல் கட்சி படுதோல்வி அடையும் நிலையில் இருந்தது. ஆனால் கார்னியின் வருகைக்கு பின் லிபரல் கட்சிக்கு ஆதரவு வளர ஆரம்பித்தது.