Hardeep Singh Nijjar என்ற சீக்கியரை British Columbia மாநிலத்தின் Surrey நகரில் துப்பாக்கியால் சுட்டு கொலை செய்தனர் என்ற சந்தேகத்தில் கனடிய போலீசார் சிலரை கைது செய்துள்ளனர். 

இந்த கொலையை இந்திய அரசே செய்வித்து என்று கடந்த ஆண்டு கனடிய பிரதமர் கூறியிருந்தார். கனடிய பிரதமரின் குற்றச்சாட்டை ஆவேசத்துடன் மறுத்தது மோதி அரசு.

Kamalpreet Singh (வயது 22), Karanpreet Singh (வயது 28), Karan Brar (வயது 22) ஆகியோரே தற்போது கனடிய போலீசாரால் கைது செய்யப்பட்டு உள்ளனர் என்கிறது CBC செய்தி நிறுவனம்.

மேற்படி படுகொலை மட்டுமன்றி மேலும் 3 படுகொலைகளுக்கு கைது செய்யப்பட்டோர் காரணமாக இருக்கலாம் என்றும் கூறப்படுகிறது.

கடந்த ஆண்டு Winnipeg நகரில் 39 வயதுடைய Sukhool Singh என்பவரும் சுட்டு கொலை செய்யப்பட்டிருந்தார். இவரும் இந்தியாவில் தேடப்படுபவராக அறிவிக்கப்பட்டவர்.

Edmonton நகரில் சுட்டு கொலை செய்யப்பட்ட 41 வயது Harpreet Uppal என்பவரின் கொலையும், அவரின் 11 வயது மகனின் கொலையும் மேற்படி சந்தேக நபர்களுடன் தொடர்பு கொண்டதாக இருக்கலாம் என்றும் கூறப்படுகிறது.

மேலதிக விபரங்களை கனடிய போலீசார் விரைவில் வெளியிடுவார்.