பிரேசிலில் 61 பேருடன் பயணித்த பயணிகள் விமானம் ஒன்று குடியிருப்பு பகுதியில் விழுந்து அதில் பயணித்த அனைவரும் பலியாகி உள்ளனர். நிலத்தில் இருந்தோர் பாதிப்புகள் விபரம் இதுவரை அறியப்படவில்லை.

Cascavel என்ற நகரத்தில் இருந்து Sao Paulo நகருக்கு சென்ற VoePass விமான சேவையின் 14 ஆண்டுகள் பறந்த ATR 72 வகை விமானமே (Flight 2283) 57 பயணிகளுடனும், 4 பணியாளர்களுடனும் விபத்துக்குள்ளானது.

உள்ளூர் நேரப்படி காலை 11:58 மணிக்கு மேலேறி விமானம் 24 நிமிடங்களில் இடர் எதுவும் இன்றி 17,000 அடி உயரத்தை அடைந்திருந்தது. சுமார் 1:20 மணி நேரம் பரந்த விமானம் பின் எதோ இடரில் அகப்பட்டது. அங்கு காலநிலையும் நலமாக இருந்திருக்கவில்லை.

முன் நோக்கிய உந்தம் இல்லாத விமானம் 24,000 அடி உயரத்தில் இருந்து 1 நிமிடத்தில் நேரே கீழ் நோக்கி நிலத்தில் விழுந்து தீப்பற்றியது.