City of Dreams என்ற சூதாட்ட நிலையம் கொழும்பு வருகிறது. Melco நிறுவனத்தால் அமைக்கப்படவுள்ள இந்த சூதாட்ட நிலையத்துடன் (casino) கூடிய உல்லாச விடுதி (hotel) 2025ம் ஆண்டின் நடுப்பகுதியில் சேவையை ஆரம்பிக்கும் என்றும் கூறப்பட்டுள்ளது.

இந்த சூதாட்ட நிலைய முயற்சிக்கு சுமார் $125 மில்லியன் செலவிடப்படும் என்று கூறப்பட்டுள்ளது. மொத்த திட்டத்தின் பெறுமதி $1 பில்லியன் வரையில் இருக்கும்.

இந்த புதிய சூதாட்ட நிலையத்தில் 800 உல்லாச பயணிகள் அறைகள் இருக்கும் என்றும் அதில் அதி உயர் 5 மாடிகளில் Melco 113 உயர் பெறுமதி கொண்ட ஆடம்பர உல்லாச அறைகளை கொண்டிருக்கும். மிகுதி 687 அறைகளை Melco வின் இலங்கை பங்காளரான John Keels Holding இயக்கும்.

இந்த திட்டத்தை நடைமுறை செய்ய 20 ஆண்டு சூதாட்ட உரிமை இலங்கை அரசால் வழங்கப்படுள்ளது.

Melco சீனாவின் Macau நகரில் பெரும் சூதாட்ட நிலையத்தை கொண்டுள்ளது. இதற்கு பிலிப்பீன் மற்றும் cyprus ஆகிய இடங்களிலும் சூதாட்ட நிலையங்களை கொண்டுள்ளது.