அண்மையில் அமெரிக்க ஜனாதிபதி ரம்ப் முழு ஜெருசலேம் நகரும் இஸ்ரவேலின் தலைநகர் என்று அறிவித்ததுடன், அங்கு அமெரிக்காவின் தூதுவராலயத்தை நகர்த்த அறிவிப்பு விடுத்ததை தொடர்ந்து இஸ்லாமிய நாடுகள் இன்று கிழக்கு ஜெருசலேமை (East Jerusalem) பாலத்தீனியர் தலைநகர் என்று அறிவித்துள்ளன.
.

துருக்கியில் கூடிய Organization of Islamic Cooperation (OIC) என்ற 57 இஸ்லாமிய நாடுகளை அங்கத்துவம் கொண்ட அமைப்பு இந்த தீர்மானத்தை எடுத்துள்ளது. அதேவேளை ரம்பின் தீர்மானத்தை அமெரிக்காவும், இஸ்ரவேலும் மட்டுமே இன்றுவரை ஆதரித்து உள்ளன.
.
துருக்கியின் இஸ்தான்புல் நகரில் இடம்பெற்ற அவசரகால அமர்வு ஒன்றை கூட்டி இந்த அறிவிப்பு விடுக்கப்பட்டுள்ளது. அத்துடன் மற்றைய நாடுகளையும் கிழக்கு ஜெருசலேமை பாலத்தீனர் தலைநகராக ஏற்கும்படி இந்த அமைப்பு கேட்டுள்ளது.
.

இந்த மாநாட்டுக்கு ஈரான், ஜோர்டான், கட்டார், குவைத் ஆகிய பல நாடுகள் தமது நாட்டு தலைமைகளை அனுப்பி இருந்தன. ஆனால் சவுதியும், UAEயும் தமது அமைச்சர்களை மட்டுமே அனுப்பி இருந்தன. அண்மை காலங்களில் சவுதியும், இஸ்ரவேலும் மத்தியகிழக்கில் புதிய நண்பர்களான காணப்படுகின்றனர்.
.