கடந்த கிழமை எகிப்தில் ஜனாதிபதி தேர்தல் இடம்பெற்றது. அந்த தேர்தல் போட்டியிட்டோரில் ஒருவர் தற்போதை ஜனாதிபதி சிசி (Sissi). சிசி ஜனநாயக முறையில் தெரிவு செய்யப்பட்டிருந்த முன்னாள் ஜனாதிபதி மோர்சியை (Morsi) இராணுவ கவிழ்ப்பு மூலம் சிறையில் அடைத்து பதவிக்கு வந்தவர்.
.
.
இம்முறை தேர்தலிலும் தனக்கு போட்டியாக இருக்கக்கூடிய லெப். ஜெனரல் Sami Anan, கேணல் AhmedKonsowa ஆகிய வேட்பாளர்களை கைதுசெய்து சிறையில் அடைத்துவிட்டு, தனது ஆதரவாளர் ஒருவரை மட்டும் தன்னுடன் போட்டியிட நிறுத்தியிருந்தார்.
.
.
இன்று எகிப்து அரசு சிசி 97% வாக்குகளை பெற்று மீண்டும் ஜனாதிபதி ஆகியுள்ளார் என்று கூறியுள்ளது. ஆனால் 41% வாக்காளர்கள் மட்டுமே வாக்களிக்க சென்றிருந்தனர். 2014 ஆம் ஆண்டு ஜனாதிபதி தேர்தலிலும் இது 6% ஆல் குறைந்த தொகையே.
.
.
சிசியின் சர்வாதிகார வெற்றிக்கு அமெரிக்க ஜனாதிபதி ரம்ப் இன்று திங்கள் தொலைபேசி மூலம் வாழ்த்து தெரிவித்து உள்ளார். அதேவேளை அமெரிக்கா எகிப்துக்கு வழங்கவிருந்த நன்கொடைகளில் $300 மில்லியனை மனித உரிமைகள் மீறல் காரணமாக பிடித்து வைத்துக்கொண்டு மிகுதி $1.3 பில்லியனை ($1300 மில்லியன்) வழங்கியும் உள்ளது.
.