அமெரிக்காவின் Texas மாநிலம் தற்போது கடும் வெப்பநிலை தாக்கத்தில் உள்ளது. அங்கு சில இடங்களில் 48.3 C (119 F) வெப்பநிலை பதிவாகி உள்ளது. குறைந்தது மேலும் ஒரு கிழமைக்கு அங்கு வெப்பநிலை மிக அதிகமாக இருக்கும் என்றும் கூறப்பட்டுள்ளது.

அந்த மாநிலத்தில் கடந்த கிழமை மட்டும் 90 இடங்களில் முன்னைய அதிகூடிய வெப்பநிலை பதிவுகள் முறியடிக்கப்பட்டு உள்ளன.

Rio Grande ஆற்று பகுதியில் வெள்ளிக்கிழமை வெப்பநிலை 48.3 C (119 F) ஆக இருந்துள்ளது.

வெப்பநிலை அதிகரிக்க குளிரூட்டிகளின் பாவனையும் அதிகரிக்கும். சிலவேளைகளில் உற்பத்தி செய்யப்படும் மின்னிலும் அதிகம் பயன்படுத்தப்பட்டால் மின் கட்டமைப்பு முடங்கி முற்றாக துண்டிக்கப்படும்.

அங்கு மின் உற்பத்தியை கண்காணிக்கும் ERCOT என்ற அமைப்பு நாளை செவ்வாயும் அதிக மின் பாவனை இருக்கும் என்று கூறியுள்ளது.